Handverkshúsið   |   Dalvegi 10-14, 201 Kópavogi  |   Sími: 555-1212  

JÓLASKRAUT SEM STENST TÍMANS TÖNN
Skapaðu vandaða jólamuni á vönduðu stuttnámskeiði

Upplýsingar Lengd: 1 dagur Verð: 9.500 kr.

Þetta námskeið er óvirkt!


Lýsing á námskeiðinu

Áhugavert jóla - stuttnámskeið þar sem fengist er við að saga út verkefni í tifsög tengdum jólunum bæði úr málmi og tré. Námskeiðið stendur yfir í þrjár klukkustundir og unnið er að fyrirfram ákveðnum verkefnum þar sem léttur jólaandi ræður ríkjum meðan nemendurnir takast á við að ná tökum á sjálfum sér og verkefninu. Ekki verður kafað djúpt í fræðin en nemandinn fær lámarks kynningu á tifsöginni og tilheyrandi fylgihlutum sem og öðrum tækjum sem unnið er með áður en ráðist er í úrlausn verkefnanna. Síðan veitir kennarinn nemendanum persónulega tilsögn meðan unnið er. Námskeið sem þetta er sett fram til þess að vekja áhuga handverksfólks á að vinna verkefni með tifsög úr efnum eins og trjám og afurðum þeirra, málmum allt að 5mm þykkum, plasti, leðri, pappír og tauefnum svo eitthvað sé nefnt. Bent er á að lengri námskeið eru ávallt í boði. Leitast er við að nemandinn fullklári verkefnin sem hann tekst á við eins og kostur er.

Þú munt læra

 Saga út tvö misstór tré “jólatré” úr Eastern red cedar (Juniperus virginiana). Yfirborð trjánna verður vírbustað í rennibekk og nemandinn
 hefur frjálst val um hvort hann setur tilfallandi olíu á trén eða ekki.  Saga út mismunandi jólaóróa úr  5 mm þykku birki.
 Óróarnir eru léttpússaðir á köntum, innan sem utan. Þá eru þeir olíubornir með hágæða olíu og borað fyrir upphengjuþræði 
sem límdur er í borgatið.   Saga út einn jólaóróa úr messingplötu, vinna kanta með þjöl, pólera óróann og hamra hann að lokum með kúluhamri.

Leiðbeinandi

Næstu námskeið

Engin námskeið fundust

Nánari upplýsingar

Námskeið Handverkshússins eru styrkhæf hjá flestum fræðslusjóðum stéttarfélaga.
AllT hráefni er innifalið.

Námskeiðið skilar 12% afslætti til þátttakenda af öllum  tifsögum, sagarblöðum og hráefni  fram yfir námskeiðið, nóg er að nefna skráninguna í verslun okkar á Dalvegi.