Lýsing á námskeiðinu

Námskeiðið byggir á grunn tækni við tálgun og þarf því enga færni fyrirfram og börn og unglingar geta komið með fullorðnum á þetta námskeið.
Boðið er upp á fjölbreytt  og ólík verkefni annað hvort í gerð nytjahluta eða skrautmuna sem nýst geta sem gjafir eða til eigin nota.
Flæðiskennd upplifun og valdeflandi sköpun er megin markmið kennslunnar með von um að þú njótir þess sem best að læra tálgun og ferskar viðarnytjar.
 Allt er útvegað á námskeiðinu og efnið innifalið í gjaldinu.
Fimmtudagskvöldin eru haldin í smíðastofu okkar á Dalveginum en laugardagurinn fer fram í Óla skógi á Kjalarnesi (ca. 25 mín akstur frá Reykjavík).

Þú munt læra

Sem þátttakandi á þessum námskeiðum lærir þú nýja og þægilega nálgun við tálgun með því að tileinka þér "öruggu hnífsbrögðin" þar sem báðar hendur vinna saman, önnur gefur aflið en hin stjórnar hnífnum.
 Það gerir alla tálgunarvinnuna bæði öruggari og afkastameiri. Þú lærir að nota ýmiss áhöld við tálgun og skógarvinnu  og hirða þau og brýna. Þú kynnist ólíkum íslenskum trjátegnundum og hvernig best er að hirða skóg og nýta.
Þú lærir að lesa í form og eiginleika einstakra viðartegunda og í hvað þær henta best. Sjálfbærnihugsun er stór þáttur í skógarhirðu, nytjum og tálgunarvinnunni þar sem gert er ráð fyrir að þátttakendur læri að hugsa um trjágróður í sínu nánast umhverfi og nota grisjunarefnið í nytjahluti, gripi og skrautmuni. Þú lærir að þurrka gripina og full vinna þá eftir tálgunina með ólíkri yfirborðmeðhöndlun og frágangi.  Eftir að tökum á tækninni er náð og grunnþáttum viðarfræðinnar er vonast til að hver og einn þátttakandi geti notið sinna eigin sköpunarkrafta og valið sér viðfangsefni við hæfi og áhuga.  

Leiðbeinandi

• Ólafur Oddsson

Næstu námskeið