Handverkshúsið   |   Dalvegi 10-14, 201 Kópavogi  |   Sími: 555-1212  

SILFURSMÍÐI 8 VIKUR miðvikudagskvöld
Framhaldsnámskeið í hefðbundinni silfursmíði

Upplýsingar Lengd: 8 dagar Verð: 83.500 kr.

Þetta námskeið er óvirkt!


Lýsing á námskeiðinu

Námskeiðið er fyrir þá sem hafa farið áður á námskeið í silfursmíði, hjá okkur eða öðrum eða hafa smíðað eitthvað úr málmum eða silfri.
Helga gullsmiður hefur unnið og framleitt skartgripi í mörg ár og hafa skartgripir hennar t.a.m. mótast af víravirkistækninni góðu.  Einnig hefur hún kennt hjá okkur í nokkur ár og er þetta námskeið einhverskonar framhaldsnámskeið en samt er byggt áfram á grunntækninni sem ávallt þarf að viðhalda og allskonar nýjungum skotið inn s.s vírum, keðjum, steinum og allskonar skemmtilegu.
 Þar sem þetta er fyrir fólk sem hefur áður prófað að smíða úr silfri þá byggir þetta líka meira á sjálfstæði einstaklingsins og hann velur meira þau verkefni sem hann vill smíða.  Gefst líka meiri tími með Helgu til að hanna og undirbúa verkefnin áður en þau eru smíðuð.
Einnig gefur svona langt námskeið miklu meiri ró til að ná góðum tökum á tækninni og þá lærir maður miklu meira og á auðveldara með að halda áfram að smíða heima fyrir.
Ég sat nýverið hjá ykkur 6. vikna silfursmíðanámskeið (tilvitnun nemenda):
Eftir námskeiðið ræddum við nemendur örlítið saman um upplifun okkar af námskeiðinu og vorum öll sammála því að það hefði komið okkur á óvart hversu ótrúlega faglegt námskeiðið var. Kennarinn lagði sig fram við að kenna okkur fagleg vinnubrögð og útskýrði hvert skref silfursmíðinnar af mikilli nákvæmni og virtist þyrstur í að upplýsa okkur um eins mikið og hann gat á þessum stutta tíma sem við höfðum. 
Mig langar því að benda ykkur á að þið mynduð líklega græða helling á því að gera námskeiðislýsinguna á heimasíðunni ykkar nákvæmari svo fram komi hversu faglegt það er. 
Hlakka til að koma á næsta námskeið! 


Þú munt læra

Helga leggur mikið upp úr því að nemendur geti haft frjálsar hendur í smiðinni en nái umfram allt góðum tökum á grunnþáttum í hefðbundinni silfursmíði. 

Enn frekar á þessu langa námskeiði getur  hver einstaklingur valið verkefnin eftir eigin höfði.
Bæði er unnið mikið silfursög og  málsetningar en einnig fær loginn og klippurnar að ráða ferðinni, sköpunargleði hvers og eins ræður þó líka ríkjum.

Meira af tækjum og tólum verða í boði á þessu námskeiði s.s. málmvals (kennt að þynna efnið), ýmis málmforfmunartól.

Leiðbeinandi

Næstu námskeið

Engin námskeið fundust

Nánari upplýsingar

.Námskeið Handverkshússins eru styrkhæf hjá flestum fræðslusjóðum stéttarfélaga. Þátttakendur fá viðurkenningarskjal fyrir þátttöku sína og skráðar kennslustundir. 
ATHUGIÐ! MIÐAÐ ER VIÐ AÐ GREIÐSLA Á NÁMSKEIÐSGJALDI SÉ STRAX EFTIR SKRÁNINGU OG SÆTIÐ ER EKKI TRYGGT FYRR.  KRAFAN BIRTIST Í HEIMABANKANUM FLJÓTLEGA (ef þú hefur ekki staðgreitt í verslun okkar í Rauðagerði)
Námskeiðið skilar 12% afslætti til þátttakenda af öllum silfursmíðaverkfærum og vélum fram yfir námskeiðið, nóg er að nefna skráninguna í verslun okkar í Rauðagerði.