Handverkshúsið   |   Dalvegi 10-14, 201 Kópavogi  |   Sími: 555-1212  

Fyrir þá sem elska að renna við
Fyrir þá sem hafa klárað grunnnámskeið eða komnir lengra

Upplýsingar Lengd: 2 dagar Verð: 58.500 kr.

Lýsing á námskeiðinu

Þetta nýja námskeið er hugsað sem beint framhald af Trérennsli I.
Hér er komið tækifæri, fyrir þá sem hafa lært undirstöðuatriðin á grunnnámskeiðinu, að koma aftur og halda áfram í þá átt sem áhuginn liggur.
Þetta námskeið er jafnlangt Trérennsli I (17-21 á föstudegi og 10-16 á laugardegi) og hentar því eflaust vel þeim sem ekki hafa tök á að mæta á langa framhaldsnámskeiðið; ´Trérennsli - 6 vikur.
Eins og á Trérennsli I þá eru öll tæki og tól á staðnum, ásamt einhverju úrvali af hráefni til að renna.Þátttakendur fá til afnota frábæra rennibekki í fullri stærð, úrval af rennijárnum, aukahlutum, sandpappír og yfirborðsefni.

Þú munt læra

Á Trérennsli I fór mestur tími í að ná tökum á undirstöðuatriðunum.
Hér hefur þú tækifæri til að taka upp þráðinn og einbeita þér að því sem þig langar að gera.Viltu læra að renna disk, bakka, skál, box eða blómavasa? Viltu læra betur á ákveðin rennijárn?
 Eða bara mæta og sjá hvert hugurinn leitar?
Góð brýnsluaðstaða er á staðnum og því geta allir lært að skerpa á rennijárnunum eftir þörfum.Aðeins 4 nemendur eru á hverju námskeiði og því fá allir góða athygli og frelsi til að vinna á sínum hraða.


Leiðbeinandi

Næstu námskeið

17-21 fös. og 10-16 lau.

Nánari upplýsingar

Kaffi og með því sem og bækur og gott andrúmsloft einkennir hóp sem hittist reglulega á vönduðu námskeiði í handverki.
Nýir öflugir rennibekkir sem ráða við stærri verkefni eru nú uppsettir í aðstöðunni tli að geta leyst framhaldsverkefni á þessu námskeiði.
Einnig nýtt úrval af patrónum og íhlutum til að læra mismunandi tækni við bekkinn.
Vinnustakkar, öryggisgleraugu og hlífar á alla á staðnum.
Forföll tilkynnist með góðum fyrirvara og við leitumst við að bjóða í staðin þátttöku á næsta námskeiði þegar forföll vegna óviðráðanlegra orsaka koma upp (endurgreiðum ekki).
Námskeiðið skilar 12% afslætti til þátttakenda af öllum renniverkfærum og 5-8% af rennibekkjum fram yfir námskeiðið, nóg er að nefna skráninguna í verslun okkar á Dalvegi.