Lýsing á námskeiðinu
Á þessu grunnnámskeiði verða öll helstu undirstöðuatriði í trérennsli kynnt.Farið er vel yfir rennibekkinn og öll helstu verkfæri og áhöld.
Þátttakendur læra að renna milli odda og í patrónu og allir taka eitthvað fallegt með sér heim.Þátttakendur þurfa ekki að koma með neitt með sér,
heldur útvegum við öll tæki og tól sem og hráefni í verkefnin.Hefti á íslensku fylgir námskeiðinu,
þar sem Andri hefur tekið saman upplýsingar um rennibekkinn, rennijárnin, yfirborðsefni og nokkur einföld verkefni.
Þú munt læra
Þú þarft ekki að kunna neitt í trérennsli eða öðru handverki til að koma á þetta grunnnámskeið í trérennsli. Sex mismunandi rennijárn eru notuð á námskeiðinu og farið er yfir hlutverk og beitingu þeirra.
Andri er líka alltaf með nokkur sérhæfðari rennijárn á staðnum sem hægt er að prófa.
Fyrst er prufukubbur renndur milli odda og þú nærð góðum tökum á rennijárnunum.
Svo gera allir 2 verkefni: kertastjaka úr íslensku birki og svo skál úr harðvið hússins.
Brýnsla er kynnt, slípun og yfirborðsmeðferð.
Þar sem aðeins 4 nemendur eru hverju sinni fá allir góða athygli og frelsi til að vinna á sínum hraða og gera nokkur mistök sem læra má af.
Nægur tími til að ná tökum á þessari skemmtilegu handverksgrein.
Nánari upplýsingar
kaffi og með því sem og bækur og gott andrúmsloft.
Vinnustakkar, öryggisgleraugu og hlífar á alla á staðnum.
Forföll tilkynnist með góðum fyrirvara og við leitumst við að bjóða í staðin þátttöku á næsta námskeiði þegar forföll vegna óviðráðanlegra orsaka koma upp (endurgreiðum ekki).
Námskeiðið skilar 12% afslætti til þátttakenda af öllum renniverkfærum og 8% af rennibekkjum fram yfir námskeiðið, nóg er að nefna skráninguna í verslun okkar á Dalvegi.